Qobustan rayonu ərazisində, Bakı şəhər sakini Şamo Qurbanovun idarə etdiyi "Hyundai-Sonata" markalı və Şamaxı rayon sakini İlqar Abdullayevin idarə etdiyi "VAZ-2107" markalı avtomaşınlar toqquşub. Daxili İşlər Nazirliyinin mətbuat xidmətinin məlumatına görə, nəticədə İ.Abdullayevin sərnişini Şahin Məmmədov hadisə yerində ölüb, xəsarət almış İ.Abdullayev, habelə Ş.Qurbanov və onun sərnişini Daşqın Mahmudov xəstəxanaya yerləşdirilib, vəziyyətləri orta-ağırdır.

APA-nın məlumatına görə, qəzaya uğrayan “VAZ-2107”-nin sürücüsü 1982-ci il təvəllüdlü İlqar Abdulla oğlu Abdullayev Yol-Patrul Xidməti Alayının serjantıdır. Ölən sərnişin 1983-cü il təvəllüdlü Şahin Xaliq oğlu Məmmədov da Yol-Patrul Xidməti Alayının serjantı olub.

İlqar Abdullayev və Şahin Məmmədov xalaoğludurlar. Onlar polisə yeni təyinat alıblar. Avqustun 31-i onların ilk iş günü imiş.

Faktla bağlı Qobustan Rayon Prokurorluğunda araşdırma aparılır.