Bakının Qaradağ rayonunda bıçaqlanma hadisəsi törədilib. Bakı şəhər Baş Polis İdarəsindən ANS PRESS-ə verilən məlumata görə, Lökbatan qəsəbə sakini Tofiq Xələfov sərxoş vəziyyətdə Qızıldaş qəsəbəsində Nurlan Məmmədlinin döş nahiyəsindən bıçaqla daxilə nüfuz edən xəsarət yetirib.

Qaradağ rayon Polis İdarəsi 38-ci polis bölməsi əməkdaşlarının keçirdiyi əməliyyat-axtarış tədbirləri nəticəsində hadisədə şübhəli bilinən şəxs tutulub.