Dünən Bakıda avtomobillərdən pul və müxtəlif əşyalar oğurlayan şəxs yaxalanıb. Bu barədə ANSPRESS-ə Bakı Şəhər baş Polis İdarəsindən məlumat daxil olub.

Məlumata görə, H.Cavid prospektində Raidə İdrisovaya məxsus “Nissan” markalı avtomaşından 15 manat pul və digər qiymətli şəxsi əşyalar oğurlayan Əliheydər Təvəkkülov Yasamal Rayon Polis İdarəsini və 27-ci Polis Bölməsinin əməkdaşları tərəfindən tutulub.

Aparılan ilkin araşdırmalar nəticəsində məlum olub ki, Ə.Təvəkkülov yanvarın 21-də H.Cavid prospektində Yasin Mustafayevə məxsus “Mitsubuşi”nin şüşəsini sındırmaq yolu ilə, noyabrın 23-ü 2009-cu ildə isə Yeni Yasamal qəsəbəsində isə Rəşad Qasımova məxsus “VAZ-2106” markalı avtomaşından isə qapını açmaq yolu ilə maqnitafon və mobil telefon oğurlayıb.

Oğurluqda şübhəli bilinən digər şəxs isə Binəqədi Rayon Polis İdarəsinin Cinayət Axtarış Şöbəsinin əməkdaşlarının keçirdikləri əməliyyat axtarış tədbirləri nəticəsində saxlanılıb. Şübhəli şəxs AR CM-in 177 (oğurluq) maddəsi ilə axtarışda olub.

Hazırda hər iki şəxs barəsində cinayət işi başlanılıb, araşdırma aparılır. ANSPRESS