Bakının Nərimanov rayonu ərazisində yerləşən "Gilavar" restoranında güclü yanğın hadisəsi baş verib. Fövqəladə Hallar Nazirliyinin Dövlət Yanğından Mühafizə Xidmətindən ANS PRESS-ə verilən məlumata görə, hadisə bu gün saat 10.00 radələrində qeydə alınıb.

Məlumata görə, 2 saylı çağırışla hadisə yerinə 8 yanğınsöndürən maşın cəlb olunub. Yanğın məhdudlaşdırılıb, söndürülməsi davam edir.

Hadisə şahidlərinin ANS PRESS-ə verdiyi məlumata görə, hadisə nəticəsində restoranın əsasən dam örtüyünə ziyan dəyib. Əvvəlcə qalın düstü yaranıb, daha sonra isə mətbəxdən dama çıxan sobanın borusundan güçlü alov yayılıb.

İlkin məlumata görə, hadisə zamanı xəsarət alan olmayıb.