Pakistanın şimal-qərbindəki Çarsadda regionunda terror aktı törədilib. Yol kənarına qoyulmuş partlayıcı qurğunun işə düşməsi nəticəsində 10 nəfər ölüb, azı 20 nəfər yaralanıb. Ölənlər arasında 1 polis əməkdaşının da olduğu bildirilir.

Bu, radikal mövqeli diplomat Mövlana Fəzlur Rəhmanın konvoyunun keçdiyi yolda son iki gündə törədilən ikinci partlayışdır. Diplomat özü xəsarət almasa da, onun olduğu avtomobilə yüngül ziyan dəyib.