“Opel” markalı avtomobillə traktor toqquşub. Baş Dövlət Yol Polis İdarəsindən ANS PRESS-in bölgə müxbirinə verilən məlumata görə, hadisə Bakı-Quba yolunda, Nərimanabad kəndi ərazisində baş verib. Hadisə nəticəsində minik avtomobilindəki sərnişin, 1968-ci il təvəllüdlü Quliyeva Nərgiz Vaqif qızı ağır xəsarət alıb.

43 yaşlı qadın ağır vəziyyətdə Quba Regional Diaqnostika Mərkəzinə yerləşdirilib. Həkimlər onun həyatını xilas etməyə çalışır.

Faktla bağlı araşdırma aparılır.