Türkiyə Kocaeli vilayətində məscidin ehtiyaclarını qarşılamaq üçün nəzərdə tutulan nəzir qutusu oğurlanıb. Qeyd edək ki, Kocaeli vilayəti Körfəz rayonu Fateh məhəlləsindəki “Fateh” məscidində analoji hadisə artıq 4-cü dəfədir təkrarlanır. Daha əvvəl məsciddə 3 dəfə oğurluq hadisəsi baş verdikdən sonra dindarlar məbədə təhlükəsizlik kameraları yerləşdirib. Ötən gecə növbəti dəfə pəncərədən məscidə daxil olan oğrular kameranı söndürməyə müvəffəq olaraq 4-cü dəfə nəzir qutusunu oğurlayıblar.

“Fateh Məscidi” dərnəyinin sədri Cəmil Türkoğlu isə artıq oğurluğun qarşısını ala bilmədiklərini deyib.