Ötən gecə Nobel prospektində yol nəqliyyat qəzası baş verib. Hadisə Nadir Yusifovun idarə etdiyi “QAZ 3110” markalı avtomaşınla, Süleyman Əliyevin idarə etdiyi “Volkswagen – Passat” markalı avtomobilin toqquşması nəticəsində qeydə alınıb. Toqquşmadan sonra “Volkswagen – Passat”ın sürücüsü idarə etdiyi avtomaşını yol kənarında quraşdırılan işıq dirəyinə də çırpıb. Zərbənin təsirindən işıq dirəyi aşaraq tamamilə yararsız vəziyyətə düşüb. Qəza zamanı xoşbəxtlikdən xəsarət alan olmayıb. Qəzanın baş vermə səbəbləri Xətai rayon dövlət yol polis şöbəsində aparılacaq araşdırmalardan sonra məlum olacaq. ANSPRESS