Ötən gecə Bakının Səbail rayonu Neftçilər prospektində yol nəqliyyat hadisəsi baş verib. Qəza zamanı Sərdar Əliyevin idarə etdiyi “Mercedes” markalı avtomobil Ağacəlal Ələsgərovun idarə etdiyi eyni markalı nəqliyyat vasitəsi ilə toqquşub. Dövlət qeydiyyat nişanı 90 GF 099 olan “Mercedes”, digər avtomaşınla toqquşandan sonra, yalnız yol kənarındakı ağaca çırpılaraq dayanmağa müvəffəq olub.

Qəza zamanı sürücü Sərdar Əliyevin maşınında olan iki sərnişin yüngül dərəcəli bədən xəsarətləri alıb. Yaralılar əraziyə çağrılmış təcili tibbi yardım maşını ilə 1 saylı şəhər xəstəxanasına çatrılıb.

Xəstəxadan verilən məlumata görə hər iki yaralının xəsarətləri yüngül olduğundan onlara lazımı tibbi yardım göstərildikdən sonra evə buraxılıblar.