Neftçala rayonunda sərnişin avtobusu qəzaya uğrayıb. Rayon Polis Şöbəsindən Milli.Az xəbər portalına verilən məlumata görə, yol qəzası bu gün səhər saatlarında Salyan-Neftçala yolunun 36-cı kilometrliyində qeydə alınıb.

"PAZ" markalı sərnişin avtobusu qarşıdan gələn "Mercedes" markalı minik avtomobili ilə toqquşub. Qəza zamanı “Mercedes”də olan 40 yaşlı Şahmar Piriyev və 29 yaşlı Dinar Eyvazov hadisə yerində ölüb. Avtobusun sürücüsü də daxil olmaqla 5 nəfər xəsarət alıb. Hadisənin səbəbləri məlum deyil, araşdırma aparılır.