Neftçala rayonunda dəhşətli qətl hadisəsi baş verib. Rayon Prokurorluğundan ANS PRESS-ə verilən məlumata görə, hadisə mayın 11-i saat 11.00 radələrində baş verib.

Rayon sakini, 28 yaşlı Vurğun Zakir oğlu İsgəndərov yaşadığı evdə aralarında baş verən mübahisə zəminində həyat yoldaşı, 23 yaşlı Mədinə İsmayıl qızı Əliyevanın baş nahiyəsinə linglə üç zərbə endirərək onu qətlə yetirib.

Hadisə qısqanclıq zəminində baş verib. Daş karxanasında fəhlə işləyərək arvadını və üç azyaşlı uşağını dolandıran Vurğun arvadının başqa kişi ilə gəzməsindən şübhələnib. Sonda onların arasında mübahisə yaranıb.

Fakrla bağlı rayon Prokurorluğunda AR CM-nin 120.1-ci (Qəsdən adam öldürmə) maddəsi ilə cinayət işi başlanıb, istintaq aparılır.