Ermənistan silahlı qüvvələrinin bölmələri bir necə istiqamətdə atəşkəsi pozub. Erməni ordusu sentyabrın 12-də saat 12.15-dən 12.25-dək Ağdam rayonunun Sarıcalı kəndi, saat 15.15-dən 15.30-dək Tərtər rayonunun Çaylı kəndi, saat 22.25-dən 22.30-dək, sentyabrın 13-də saat 00.40-dan 00.50-dək və 01.10-dan 01.20-dək Füzuli rayonunun Aşağı Əbdülrəhmanlı, Qaraxanbəyli və Qorqan kəndləri, saat 02.35-dən 02.43-dək Ermənistanın İcevan rayonunun Vozaşen kəndində yerləşən mövqelərdən Qazax rayonunun ərazisindəki adsız yüksəkliklərdə yerləşən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Müdafiə Nazirliyinin mətbuat xidmətindən verilən məlumata görə, düşmən cavab atəşi ilə susdurulub.