Rusiyanın paytaxtı Moskva şəhərində 1988-ci il təvəllüdlü Özbəkistan vətəndaşı qətlə yetirilib. Adı çəkilməyən şəxs dünən gecə saatlarında Naximov prospektində kürək, əl və ayaq nahiyələrindən çox sayda bıçaq xəsarətləri alaraq xəstəxanaya çatdırılıb.

Səhər saat 07:00 radələrində isə gənc oğlan dünyasını dəyişib. Faktla bağlı artıq cinayət işi qaldırılıb. Qətli törətməkdə tərkibinə 3 moskvalı daxil olan qrup şübhəli bilinir. Onlardan biri, 20 yaşlı şəxs artıq saxlanılıb. Qrupun digər üzvlərinin axtarışı isə davam etdirilir.

İlkin ehtimala görə cinayət hadisəsi etnik zəmində törədilib.