Monakonun 24 yaşlı şahzadəsi Pyer Kaziraqi Nyu-Yorkdakı gecə klubunda davam etdikdən sonra bir neçə saat klinikalardan birində qalıb. ANS PRESS-in İTAR-TASS-a istinadən verdiyi məlumata görə, şahzadə Manhettendəki məşhur “Double Seven” klubunda gecə əylənirmiş. Şahidlərin sözlərinə görə, şahzadənin dostları ilə amerikalı iş adamı Adam Xok arasında mübahisə yaranıb, sonra isə dava düşüb.

Pyer Kaziraqinin vəkili Riçard Qolub iddia edib ki, müdafiə etidiyi şəxs heç bir təxribat tbörətməyib, əksinə, Adam Xok onun sifətinə zərbə endirib. İş adamı isə bildirib ki, şahzadə onu, dostlarını, eləcə də, gecə klubundakı bütün qızları - tanınmış rusiyalı fotomodelləri təhqir edib.

“New York Post” qəzetinin məlumatına görə, hadisənin səbəblərinin araşdırılması üçün insidentin iştirakçıları və vəkilləri polis məntəqəsinə dəvət ediliblər.