Böyük Britaniyanın məşhur kamediya aktyoru,"Mister Bin" kimi tanaınan Rouen Atkinson idarə etdiyi avtomobillə qəza keçirib. ANS PRESS-in Rusiya mətbuatına istinadən verdiyi məlumata görə, Mister Bin serialındakı eyniadlı rolu ilə dünya şöhrəti qazanan aktyor İngiltərənin Kembricşir qraflığı yaxınlığında "McLaren F1" idman bolidinin idarəetməsini itirərək onu aşırıb.

İnsident nəticəsində Atkinsonun avtomobili bir neçə dəfə çevrilib və ağaca dəyərək alışıb. Rouen Atkinson isə avtomobildən çıxa bilib. Hadisə şahidlərinin sözlərinə görə, aktyorun yanan maşından sağ-salamat çıxması möcüzəyə bərabər olub.

Qeyd edək ki, ingilis aktyor müasir avtomobillərin kolleksiyası ilə məşhurdur. Onun kolleksiyasında "Aston Martin DB7 Vantage", "Aston Martin V8 Zagato", "Renault 5 Turbo", "McLaren F1", "Audi A8" və "Bugatti" kimi modellər yer alır.