Bu gün Mingəçevir şəhərindən Bakıya gələn sərnişin qatarında yanğın hadisəsi olub. ANS PRESS-in bölgə müxbirinin məlumatına görə, hadisə Kürdəmir rayonunun Sığırlı stansiyasına az qalmş, saat 11.00 radələrində, Bakı-Böyük Kəsik dəmir yolunun 367-ci kilometrliyində qeydə alınıb.

Məlumata görə, bu gün səhər saat 07.45-də Mingəçevirdən çıxaraq Bakıya gələn teplovoz da qısaqapanma olub. Saat 11.00 radələrində baş verən qısaqapanmadan sonra hərəsində 51 nəfərlik yer olmaqla 5 vaqonu dartan lokomotivdə yanğın başlayıb. Qatar yana-yana hərəkət edərək 11.12-də Sığırlı stansiyasına çatıb. Hadisə yerinə gələn yanğınsöndürənin köməkliyi ilə yanğının qarşısı alınıb.

Hadisə zamanı insanlar böyük təşviş və qorxu yaşasalar da xəsarət alan olmayıb. Qatar stansiyada 41 dəqiqə yubanmadan sonra yenidən sərnişinlərlə birlikdə Bakıya doğru hərəkət edib.