Milli Ordunun mövqeləri 3 istiqamətdə atəşə tutulub

Ermənistan silahlı qüvvələrinin bölmələri sentyabrın 14-də və 15-də bir necə istiqamətdə atəşkəsi pozub. Erməni ordusu ötən gün saat 23.20-dən 23.30-dək Ağdam rayonunun Yusifcanlı kəndi, saat 18.10-dən 18.20-dək, 22.00-dan 22.05-dək və sentyabrın 15-də saat 02.20-dən 02.40-dək Füzuli rayonunun Aşağı Əbdülrəhmanlı, Horadiz və Qorqan kəndləri, saat 05.20-dən 05.35-dək Tərtər rayonunun Göyarx kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Müdafiə Nazirliyinin mıətbuat xidmətindən verilən məlumata görə, düşmən cavab atəşi ilə susdurulub.