Dünən Müdafiə Nazirliyinin Şəmkir Hərbi Birləşməsinin Tovuz rayonundakı “N” saylı hərbi hissəsində silahlı insent qeydə alınıb. Hadisə Yevlax rayon Hərbi Komissarlığından həqiqi hərbi xidmətə çağırılmış, 1991-ci il təvəllüdlü Ramil Boris oğlu Əliyevin xidməti silahı ilə ehtiyatsız davranaraq əsgər yoldaşı Asif Samir oğlu Əliyevə atəş açması nəticəsində baş verib.

Salyan rayon Hərbi Komissarlığından həqiqi hərbi xidmətə çağırılan 1991-ci il təvəllüdlü A. Əliyev başından aldığı güllə yarasından dünyasını dəyişib.

Müdafiə Nazirliyinin mətbuat xidmətinin rəis müavini Teymur Abdullayev ANS PRESS-ə faktı təsdiqləyib və baş vermiş hadisə ilə bağlı cinayət işinin başlandığını, araşdırma aparıldığını bildirib.