Azərbaycanın İsmayılı rayonunda piyadanın ölümü ilə nəticələnən yol qəzası baş verib. APA-nın məlumatına görə, hadisə bu gün 12:55 radələrində Heydər Əliyev prospektilə Qələbə prospektinin kəsişməsində qeydə alınıb. Abdullayev Mehman Ağasalman oğluna məxsus 90 JB 048 dövlət nömrə nişanlı, “Honda” markalı sərnişin mikroavtobusu yolu keçmək istəyən 73 yaşlı Gülalı Mansur oğlu Babayevi vurub. Sürücü yaralını İsmayıllı Mərkəzi Rayon Xəstəxanasına çatdırmaq istəsə də, G. Babayev yolda dünyasını dəyişib.

Qeyd edək ki, faktla bağlı araşdırma aparılır.