Göyçay rayonunda avtomobil yoldan çıxaraq dərəyə yuvarlanıb. Hadisə nəticəsində maşın yanıb. Rayon yanğından mühafizə hissəsindən APA-ya verilən məlumata görə hadisə ötən gün axşam saatlarında Qaraməryəm-Müsüslü yolunun 3-cü kilometrliyində, Aşağı Qaraməryəm kəndi ərazisində qeydə alınıb.

Belə ki, Alxasafa kənd sakini 1966-cı il təvəllüdlü Qorxmaz Əbülfəz oğlu Qasımov 90-LZ-841 dövlət nömrə nişanlı “Mersedes” markalı minik avtomobilini yüksək sürətlə idarə edərkən yoldan çıxararaq dərəyə aşırıb. Yoldan 30 metr dərinlikdə olan dərəyə düşən avtomobilin mühərrikində qısaqapanma səbəbindən yanğın baş verib və beş dəqiqə ərzində maşın tamamilə yanaraq yararsız hala düşüb. Hadisə yerinə bir yanğınsöndürən maşın və canlı qüvvə cəlb edilib. Avtomobilin sürücüsü Qorxmaz Qasımov yanğın baş verən anda özünü avtomobildən kənara ataraq yüngül xəsarətlə hadisədən xilas ola bilib.

Faktla bağlı araşdırma aparılır.