Braziliyada məktəbdə qanlı hadisə baş verib. Naməlum bir kişinin odlu silahdan atəş açması nəticəsində 13 nəfər həlak olub. “Globo TV” təhlükəsizlik kameralarına istinadən edərək məlumat yayıb ki, silahlı şəxs Rio de Janeyro şəhərindəki Realenqo məhəlləsində yerləşən məktəbdə atəş açaraq 13 nəfəri qətlə yetirdikdən sonra özünü vurub. Şagird və müəllim heyəti ilə birlikdə 22 nəfər yaralı xəstəxanaya yerləşdirilib.

Araşdırmalardan sonra 23 yaşlı Vellinqton Menezes de Oliveyra adlı qatilin məktəbin keçmiş şagirdi olduğu bəlli olub. Keçmiş şagirdin intihar edəcəyi ilə bağlı məktubu da tapılıb. Amma onun belə bir qanlı haldisənin törətməsinin səbəbləri barədə heç bir məlumat verilmir.