Bakının Nəsimi rayonunda yerləşən 44 saylı orta məktəbdə ölüm hadisəsi qeydə alınıb. Belə ki, bu gün saat 17.00 radələrində məktəbin təsərrüfat işləri üzrə direktor müavini Qurbanov İsfəndiyar Muğan oğlunun pilləkənlərin yanında yerə yıxılıb.

Hadisə şahidləri onun artıq keçindiyni müşahidə edib. Hadisə yerinə rayon hüquq-mühafizə orqanlarının əməkdaşları cəlb olunub.

Nəsimi rayon Prokurorluğundan verilən məlumata görə, ilkin versiya olaraq İsfəndiyar Qurbanovun ürək tutmasından öldüyü güman edilir. Dəqiq səbəb ekspertizanın sonunda bəlli olacaq.

Faktla bağlı araşdırmaları Nəsimi Prokurorluğu aparır.