Sabunçu rayonu ərazisində 2 nəfərin ölümü ilə nəticələnən yol nəqliyyat hadisəsi qeydə alınıb. Qəza Maştağa - Buzovna yolunda Çiləgəri adı ilə tanınan ərazidə baş verib. Hadisə Xəzər rayonu istiqamətində gələn “Daewoo” markalı sərnişin avtobusu ilə əks istiqamətdə hərəkət edən “Mercedes” marakalı maşının toqquşması nəticəsində yaranıb.

Qəza zamanı sərnişin avtobusunda xəsarət alan olmasa da “Mercedes” markalı avtomobilin sürücüsü və onun yanında əyləşən sərnişin hadisə yerindəcə dünyalarını dəyişiblər.

Zərbənin təsirindən deformasiyaya uğramış maşından meyidlərin çıxarılması üçün isə əraziyə Fövqəladə Hallar Nazirliyinin xüsusi riskli xilas etmə xidmətinin əməkdaşları cəlb edilib. ANSPRESS