Bakıda bu gecə maşında yanaraq ölən iki nəfərin kimliyi müəyyən olunub. Bakı şəhər Baş Polis İdarəsindən ANS PRESS-ə verilən məlumata görə, bunlar “Reno” markalı maşının sürücüsü Hacıağa Məmmədov və sərnişini Zöhrüb Ağayevdir.

Qeyd edək ki, fevralın 11-i saat 00:10 radələrində Hövsan qəsəbəsi ərazisində Hacıağa Məmmədovun idarə etdiyi “Reno” və Elsəvər Məmmədovun idarə etdiyi “Mercedes” markalı avtomobillər toqquşub. Qəza nəticəsində "Reno" markalı avtomobil alışıb. Sürücü və 1 sərnişin maşında sıxılmış vəziyyətdə qaldıqlarından onların həyatını xilas etmək mümkün olmayıb. Digər sərnişin Nəzakət Nəzirova isə yanıq xəsarəti alıb. O, maşından çıxarılaraq Kliniki Tibbi Mərkəzə yerləşdirilib.

Hazırda faktla bağlı araşdırma aparılır.