Lerik rayonunda elektrik xətti iribuynuzluların tələf olmasına səbəb olub. Zərərçəkmişlərin qohumu Rasim Fətullayevin ANS PRESS-ə verdiyi məlumata görə, o, dekabrın 20-də saat 07.50 radələrində rayonun Kornəbi kəndində qohumlarına məxsus 5 baş inəyi örüşə ötürərkən yaxınlıqdakı elektrik dirəyindən qopan elektrik naqili heyvanların üstünə düşüb. Nəticədə Habil Fətullayevin 1, əmisi oğlu Bəxtiyar Fətullayevin 2 və onların babaları Həşim Fətullyevin isə 2 inəyi tələf olub.

Faktla bağlı zərərçəkmişlər Lerik rayon İcra Hakimiyyətinə müraciət ediblər. ANSPRESS