Kürdəmirdə 1 nəfərin ölümü, 3 nəfərin isə yaralanması ilə nəticələnən yol-qəza hadisəsi baş verib. Daxili İşlər Nazirliyinin mətbuat xidmətindən verilən məlumata görə, hadisə oktyabrın 15-də saat 13.45 radələrində Kürdəmir rayonu ərazisində baş verib. Qarabucaq kənd sakini Elbrus İsmayılov idarə etdiyi "BMW" markalı avtomaşını aşırıb.

Nəticədə onun sərnişinlərindən Bakı şəhər sakini Böyükxanım Qafarova hadisə yerində ölüb. Xəsarət alan Bakı şəhər sakini Mətanət Qafarova və Kürdəmir rayon sakinləri Vüsal Bədəlov və onun bacısı Vüsalə isə xəstəxanaya yerləşdiriliblər.

Faktla bağlı Baş Dövlət Yol Polis İdarəsi tərəfindən araşdırma aparılır. ANSPRESS