Kürdəmir rayonunda 4 nəfərin xəsarət alması ilə nəticələnən yol-nəqliyyat hadisəsi baş verib. Dövlət Yol Polisi İdarəsinin mətbuat xidmətindən ANS PRESS-əverilən məlumata görə, hadisə dünən axşam saat 19:30 radələrindən rayonun Bakı prospektində qeydə alınıb.

90-YF-687 dövlət nömrə nişanlı və 33-BD-651 dövlət nömrə nişanlı “VAZ-2107” markalı maşınlar H-019064 nömrəli “Mitsubishi” markalı maşınla toqquşub.

Nəticədə hər üç maşının sürücüsü və bir nəfər sərnişin müxtəlif dərəcəli bədən xəsarətləri ilə Kürdəmir rayon xəstəxanasına aparılıb.

Faktla bağlı rayon polis şöbəsində araşdırma aparılır. ANSPRESS