Bu gün saat 10.45 radələrində Kürdəmir rayonunda ölümlə nəticələnən yol qəzası baş verib. Bu barədə məlumatı ANS PRESS-ə hadisə şahidləri veriblər. Şahidlərin sözlərinə görə, zəncirvari qəza Karlar kəndində olub. Hadisə nəticəsində 5 maşın toqquşub.

"90 BC 596" dövlət nömrə nişanlı "Mercedes", "Ford" markalı mikroavtobus, "Lexus", "VAZ 21 07" dövlət nömrə nişanlı maşınlar və "Mercedes" markalı mikroavtobusun toqquşması nəticəsində 2 nəfər dünyasını dəyişib. Məlumata görə, dünyasını dəyişən “VAZ 21 07” markalı maşının sərnişinləridir və onlar xəstəxanaya aparılarkən yolda keçiniblər.

Hadisə nəticəsində yaralananların da olduğunu bildirilir. Onların toydan gələn musiqiçilər olduğu güman edilir. Hazırda ərazidə polis və təcili yardım xidməti işləyir. ANSPRESS