Kişi özünü metro qatarının altına atıb

Bakı metrosunda intihara cəhd olub. Daxili İşlər Nazirliyinin mətbuat xidmətinin məlumatına görə, Gürcüstan vətəndaşı Rəşad Bədəlov intihar etmək məqsədi ilə özünü qatarın hərəkət yoluna atıb. Hadisə ötən gün
saat 19.45 radələrində metronun "Sahil" stansiyasında baş verib. Maşınist qatarı saxlaya bilib. Nəticədə R.Bədəlov xəsarət almayıb.

Faktla bağlı Bakı BPİ Metropolitendə Polis Şöbəsi tərəfindən araşdırma aparılır.