Azərbaycanın Sumqayıt şəhərində ağır qətl hadisəsi törədilib. Bu barədə Sumqayıt şəhər Prokurorluğundan verilən məlumata görə, hadisə ötən gecə Sumqayıt şəhəri, 12-ci məhəllə adlanan ərazidə qeydə alınıb. Şəhər sakini Sərdar Abbasov ailə münaqişəsi zəminində qayınanası 71 yaşlı Qəribnisə Hüseynovanı baltalayıb. Çoxsaylı deşilmiş-kəsilmiş xəsarətlər alan Q. Hüseynova yerindəcə dünyasını dəyişib.

Hadisəni törədən S.Abbasov polis tərəfindən saxlanılıb. Faktla bağlı Sumqayıt şəhər Prokurorluğu tərəfindən Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, istintaq aparılır.