Goranboy rayonunda orta məktəbdə yanğın olub. Fövqəladə Hallar Nazirliyindən ANS PRESS-ə verilən məlumata görə, yanğın günorta saatlarında Təhsil Nazirliyinə məxsus ümumi sahəsi 160 kvadrat metr olan Məşədiqaralar kənd orta məktəbində sinif otaqlarında baş verib. Yanğın nəticəsində məktəbin 28 kvadratmetrlik sahəsi yanıb. Yanğının qarşısı yanğınsöndürənlər tərəfindən alınıb. Xəsarət alan olmayıb. Yanğının baş vermə səbəbləri məlum deyil. ANSPRESS