İsrail Hərbi Hava Qüvvələri gecə saatlarından başlayaraq Qəzza zolağının mərkəzində yerləşən HƏMAS qruplaşmasının qərargahına hücum edib. Fələstin tibb xidmətinin əməkdaşı Ədham Əbu Selmiyanın sözlərinə görə, İsrail Misirlə sərhəd ərazidə yerləşən iki yeraltı tuneli hədəf seçib.

ANS PRESS-in “Ria Novosti” agentliyinə istinadən verdiyi məlumata görə, bu tunellərdən qaçaqmalçıların istifadə etdikləri ehtimal edilir. Hücum nəticəsində iki nəfərin yaralandığı bildirilir.

İsrail tərəfinin yaydığı məlumata görə isə, Qəzza zolağından atılmış iki reaktiv mərmi İsrailin cənub-qərbində yerləşən Neqeva ərazisində yerə düşüb. Partlayış nəticəsində xəsarət alanların olmadığı bildirilir.