İnquşetiyanın Malqobek rayonunun Saqopşi kəndində polis kapitanı, batalyon komandiri Savarbek Mankiyev güllələnib. İnquşetiya DİN-dən “İnterfaks” agentliyinə verilən məlumata görə, naməlum şəxslər yerli vaxtla saat 22.30-da (Bakı vaxtı ilə saat 23.30) Savarbek Mankiyevi evdən küçəyə çağırıblar və orada güllələyiblər. Batalyon komandiri aldığı xəsarətlərdən dünyasını dəyişib.

Cinayüətkarların üç nəfər olduğu bildirilir. Onlar hadisəni törətdikdən sonra minik maşını ilə uzaqlaşıblar. Hazırda onların həbsi üçün əməliyyat keçirilir.