İndoneziyada 6.7 bal gücündə zəlzələ olub

İndoneziyanın Yava adasının cənubunda Rixter şkalası ilə 6.7 bal gücündə güclü zəlzələ qeydə alınıb. Məlumatı Birləşmiş Ştatlar geoloji xidmət yayıb. Seysmoloqların məlumatına görə, yeraltı təkanların episentri paytaxt Cakartadan 412 kilometr məsafədə yerin 24 kilometr dərinliyində olub. İndoneziya seysmoloqları zəlzələni 7.1 bal gücündə qiymətləndirərək sunami təhlükəsi elan edib. Dağıntı və insan təlafatı barədə məlumat yoxdur.