Göyçay rayonunda 5 nəfərin yaralanması ilə nəticələnən yol qəzası baş verib. Rayon Polis Şöbəsindən ANS PRESS-in bölgə müxbirinə verilən məlumata görə, hadisə rayonun Cəyirli yolunun 2-ci km-də baş verib.

Belə ki, Göyçay sakini 47 yaşlı İlham Ağalar oğlu Əhmədovun idarə etdiyi “VAZ 2106” markalı 10 CD 616 dövlət nömrə nişanlı maşınla 52 yaşlı Əlibaba Sədiyar oğlu Feyzullayevun idarə etdiyi “VAZ 2106” markalı 90 EK 661 dövlət nömrə nişanlı maşın toqquşub.

Hadisə nəticəsində hər iki avtomobilin sürücüsü və sərnişinlər yaralanıb. 1997-ci il təvəllüdlü Elşən Feyzulla oğlu Hüseynov, 1955-ci il təvəllüdlü Şəmsiyyə Alıxan qızı Məmmədova və 1977-ci il təvəllüdlü Aqşin Şaban oğlu Babayev müxtəlif dərəcəli ağır bədən xəsarətləri alıblar. Onlar Göyçay Mərkəzi rayon Xəstəxanasına yerləşdirilib.

Qeyd edək ki, faktla bağlı Göyçay Rayon Polis Şöbəsi tərəfindən araşdırma aparılır.