Qax rayonunda intihar hadisəsi baş verib. Bu barədə Qax Rayon Polis Şöbəsindən bildirilib. Hadisə dekabrın 26-da saat 20.30 radələrində rayonun Almalı kəndində qeydə alınıb.

Almalı kənd sakini, 1963-cü il təvəllüdlü Namiq Məhəmməd oğlu Abdullayev yaşadığı evin çardağından özünü asaraq intihar edib.

Qax RPŞ-dən bildirilib ki, iki uşaq atası olan Namiq Abdullayev son zamanlar əsəb xəstəliyindən əziyyət çəkirmiş.

Faktla bağlı Qax rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, araşdırma aparılır.