Hacıqabulda fərdi evlərə basqın edən şəxs yaxalanıb. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, X.Məmmədov küçəsində evlərin birindən oğurluq hadisəsi zamanı mənzilləri talan edən şəxs tutulub.

Belə ki, Aygün Ağaqulu qızı Şotiyeva evindən məişət əşyalarının oğurlanması barədə polis şöbəsinə müraciət edib. Əməliyat-axtarış tədbirləri nəticəsində oğurluq etmiş Şirvan şəhər sakini Asif Çingiz oğlu Novruzov saxlanılıb. Müəyyən edilib ki, o bir çox şəxslərin evindən oğurluq edib.

Qeyd edək ki, hazırda faktla bağlı araşdırmalar aparılır.