Leysan yağışları kütləvi məzarlığın şərq hissəsində 1 metrdən çox ərazini tamamilə yuyub. Məlumatı APA-nın şimal bürosuna Quba soyqırımı ekspedisiyasının rəhbəri Qəhrəman Ağayev verib. Q. Ağayevin sözlərinə görə, yuyulmanın geniş ərazini əhatə etməsinin qarşısı alınıb. Buna baxmayaraq, məzarlığın qazıntı işləri aparılmamış böyük bir ərazisi uçulmaq təhlükəsi ilə üzləşib. Q. Ağayev onu da əlavə etdi ki, artıq məzarlıqdakı sümüklərdə çatlar əmələ gəlib. Məzarlıqda olan bütün sümüklərin təcili olaraq dərmanlanmasına ehtiyac var.