Ötən axşam Göyçay rayonunda yaşayış evində partlayış baş verib. Göyçay rayon Yanğından Mühafizə Xidmətindən ANSPRESS-in Göyçay müxbirinin verdiyi məlumata görə, hadisə Heydər Əliyev prospekti 217 ünvanında yerləşən ikimərtəbəli binada baş verib.

Fövqəladə Hallar Nazirliyinin Dövlət Yanğından Mühafizə Xidmətinin rəis müavini Zauf Cabbarovun ANS PRESS-in bölgə müxbirinə verdiyi məlumata görə, partlayış ev sahibi Qorxmaz Sədiyar oğlu Dəmirovun mənzilə daxil olaraq işığı yandırmasından sonra baş verib. Partlayış nəticəsində ev sahibi yüngül xəsarət alıb, mənzil və Q.Dəmirova məxsus VAZ 2107 markalı avtomobil yararsız vəziyyətə düşüb.

Verilən məlumata görə, partlayış qaz sızmasından olub.

Faktla bağlı FHN-nin Dövlət Yanğından Mühafizə Xidmətində araşdırma aparılır. ANSPRESS