Bu axşam saat 21.00 radələrində Göyçay-Bərgüşad yolunda, Kürdəmiş kənd ərazisində ağır yol qəzası baş verib. ANS PRESS-in bölgə müxbirinin məlumatına görə, Göyçaydan Bərgüşada doğru hərəkət edən “VAZ 2107” və əks istiqamətdə gedən “VAZ 21011” markalı avtomobillər toqquşub. Hadisə nəticəsində 5 nəfər - “VAZ 21 07”-nin sürücüsü 23 yaşlı Səxavət Əhmədov, onun qardaşı 22 yaşlı Dəyanət Əhmədov, “VAZ 21011”-in sürücüsü 31 yaşlı Asif Yusifov, həmin maşının sərnişinləri 35 yaşlı Məcnun Həmidov və 41 yaşlı Qabil Həmidov müxtəlif dərəcəli xəsarətlər alıblar. Dəyanət Əhmədov xəstəxanaya çatdırılsa da, aldığı ağır xəsarətlər nəticəsində dünyasını dəyişib.

Yaralılardan birinin vəziyyətinin ağır olduğu bildirilir. Beyinin daxili qanaxması diaqnozu qoyulan Qabil Həmidov hazırda reanimasiya şöbəsindədir. Digər xəsarət alanların isə müalicəsi travmotologiya şöbəsində aparılır. ANSPRESS