Bu gün axşam saatlarında Goranboy rayoununun Tapqaraqoyunlu kənd sakini minaya düşüb. ANS PRESS-in Qarabağ bürosunun verdiyi məlumata görə, hadisə təxminən saat 17:30 radələrində baş verib. Kənd ərazisində qoyun otaran 1977-ci il təvəllüdlü Şaban Əhmədov dumanlı havada yolunu azaraq minalanmış əraziyə çıxıb. Nəticədə minalardan biri partlayıb.

Əhmədov hadisə yerindəcə keçinib. Onun meyidi artıq ərazidən çıxarılaraq yaxınlarına təhvil verilib.