Gəncədə keçmiş məhkum qohumunu qətlə yetirib

Gəncədə qətl hadisəsi baş verib. Daxili İşlər Nazirliyinin mətbuat xidmətindən verilən məlumata görə, iyulun 7-də Gəncə şəhər sakini İmaməddin İsgəndərov ayaq nahiyəsindən xəsarətlə xəstəxanaya gətirilib və orada keçinib.

Kəpəz Rayon Polis Şöbəsi (Kəpəz RPŞ) əməkdaşları tərəfindən aparılan araşdırmalar zamanı iyunun 28-də qohumu, Gəncə şəhər sakini Valeh Quliyevin İ.İsgəndərova bel ilə diz nahiyəsindən xəsarət yetirməsi müəyyən edilib.

Kəpəz RPŞ əməkdaşlarının həyata keçirdikləri əməliyyat-axtarış tədbirləri nəticəsində V. Quliyev tutularaq cinayət məsuliyyətinə cəlb olunub.

Faktla bağlı araşdırmalar davam etdirilir. ANSPRESS