Gədəbəy rayonunda 2 nəfərin ölümü, 7 nəfərini yaralanması ilə nəticələnən yol-nəqliyyat hadisəsi baş verib. Baş Dövlət Yol Polisi İdarəsindən ANS PRESS-ə verilən məlumata əsasən, yol qəzası dünən axşam saat 18:00 radələrində rayonun Nərimankənd kəndi ərazisində qeydə alınıb.

Şəmkir sakini, 37 yaşlı Eldar Ələkbərovun idarə etdiyi 57-BO-065 dövlət nömrə nişanlı “Toyota-Prado” markalı avtomobil yoldan çıxaraq aşıb. Nəticədə sürücü və onun qardaşı Elmdar Ələkbərov aldıqları xəsarətdən hadisə yerində keçiniblər. Avtomobildə olan ailənin daha 7 üzvü - Kəmalə, Ələkbər, Murad, Mərmər, Günel, Samirə və Məhərrəm Ələkbərovlar isə müxtəlif dərəcədə xəsarət alaraq xəstəxanaya yerləşdiriliblər. Onlardan bir neçəsinin azyaşlı olduğu bildirilir. Yaralıların vəziyyətinin qənaətbəxş olduğu bildirilir.

Faktla bağlı rayon polis şöbəsində cinayət işi başlanıb, araşdırma davam edir.