Füzulidə bıçaqlanma hadisəsi baş verib. Hadisə Füzuli rayonu ərazisində məcburi köçkünlər üçün salınmış Qayıdış qəsəbəsində baş verib.

Bıçaqlanan şəxslərin qardaşı Emin Abbasovun verdiyi məlumata görə, axşam saatlarında 6 nəfər onun qardaşları Niyaz və Nəcməddin Abbasovlara bıçaq xəsarətləri yetiriblər. Nəcməddin Abbasov bədəninin müxtəlif yerlərindən 4, qardaşı Niyaz 2 bıçaq xəsarəti alıb.

Bıçaq xəsarəti almış iki qardaş Füzuli Mərkəzi Rayon Xəstəxanasına yerləşdirilib. Faktla bağlı Füzuli Rayon Polis Şöbəsində araşdırma aparılır.