Türkiyə Tunceli vilayəti şəhər mərkəzində futbol oynayan polislər PKK terrorçularının silahlı hücumuna məruz qalıb. ANS PRESS “Anadolu” agentliyinə (AA) istinadən xəbər verir ki, hadisə nəticəsində 1 polis komissarı və onun tamaşaçı olan həyat yoldaşı ölüb, 3 nəfəri ağır olmaqla 8 polis isə yaralanıb. Yaralılar Tunceli dövlət xəstəxanasına çatdırılıb, vəziyyəti ağır olanlar isə helikopterlə Elazığ vilayətinə aparılıb.

Tunceli valisi Mustafa Taşkesen hadisənin yerli vaxtla 21.40-da (Bakı vaxtıyla 23.40) ətrafı ətrafı dəmir barmaqlıqlarla bağlı olan futzal meydançasında baş verdiyini deyib. Vali həmçinin hadisəni törədənlərin 4 və ya 5 nəfər olduğunu, onlardan birinin öldürüldüyünü, sağ qalanların isə ələ keçirilməsi üçün əməliyyatların davam etdiyini bildirib.