Ermənilər dekabrın 28-i saat 18.00 radələrində Tovuz rayonunun Əlibəyli kəndi istiqamətində təmas xəttinin yaxınlığında kənd sakini, 1964-cü il təvəllüdlü Tağıyev Eldar Heydər oğlunu atəşə tutublar.

 

Əlibəyli kənd sakinlərinin APA-nın Qərb bürosuna verdikləri məlumata görə, E. Tağıyev aldığı güllə yarasından yerindəcə keçinib.

İlkin məlumata görə, o, Əlibəyli kəndi ilə Ermənistan Respublikasının Berd rayonunun Aygezor kəndi arasında yerləşən təmas xəttinə yaxın ərazidən keçən Tovuz çayında balıq tutarkən erməni gülləsinə tuş gəlib. Sakinlərin bildirdiyinə görə, meyit hələ də təmas xəttindən çıxarılmayıb. APA