Ermənistan silahlı qüvvələrinin bölmələri atəşkəs rejimini pozublar. Erməni ordusu martın 13-də saat 13.20-dən 13.25-dək və martın 14-də saat 01.00-dan 01.05-dək Ermənistanın Noyenberyan rayonunun Berdavan kəndində yerləşən mövqelərdən Qazax rayonunun Kəmərli kəndində yerləşən mövqelərimizi, saat 00.50-dən 01.05-dək Ermənistanın İcevan rayonunun Ayqovit kəndində yerləşən mövqelərdən Qazax rayonunun Bala Cəfərli kəndində, matın 13-də saat 23.05-dən 23.07-dək Tərtər rayonunun Qızıloba kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat, pulemyot və qumbaraatanlardan atəşə tutublar.

Müdafiə Nazirliyinin mətbuat xidmətinin məlumatına görə, düşmən cavab atəşi ilə susdurulub, itki yoxdur.