Ermənistan silahlı qüvvələrinin atəşkəsi pozması nəticəsində Milli Ordumuzun əsgəri yaralanıb. Müdafiə Nazirliyinin mətbuat xidmətinin rəis müavini Teymur Abdullayevin ANS PRESS-ə verdiyi məlumata görə, insident martın 28-də cəbhənin Füzuli rayonu istiqamətində qeydə alınıb.

Ermənilərin açdığı atəş nəticəsində kürək nahiyəsindən güllə yarası alan Milli Ordunun əsgəri, 1991-ci il təvəllüdlü Ağa Ağamir oğlu Hüseynov hospitala yerləşdirilib.

Teymur Abdullayevin sözlərinə görə, yaralı əsgərin vəziyyəti stabildir.

A. Hüseynov Masallı Rayon Hərbi Komissarlığından hərbi xidmətə çağırılıb.