Azərbaycanın Qobustan rayonunda dəhşətli qətl hadisəsi baş verib. Hadisə bu gün səhər saat 9:30 radələrində Qobustanın Cəyirli kəndində qeydə alınıb. Kənd sakini 38 yaşlı Taleh Həsən oğlu Aslanov həyat yoldaşı 28 yaşlı Aynurə Fərman qızı Həsənovanın başını balta ilə kəsərək qətlə yetirib.

Məlumata görə, üç uşaq anası olan Aynurə ilə həyat yoldaşı arasında ailə münaqişəsi 10 gündür davam edirmiş. Həyat yoldaşının ona xəyanət etdiyini bildirən T. Aslanov bununla bağlı əvvəlcə polisə şikayət ərizəsi verib, daha sonra həyat yoldaşından boşanmaq üçün məhkəməyə müraciət edib.

Hazırda Qobustan rayon hüquq-mühafizə orqanlarının əməkdaşları hadisə yerindədir. Faktla bağlı araşdırma aparılır.