Bir qrup isveç qızılaxtaranları Baltik dənizinin dibində Uçan Naməlum Obyektə (UNO) bənzəyən obyekt tapıblar. ANS PRESS-in Rusiya mətbuatına istinadən verdiyi məlumata görə, hidrolokatorun köməyi ilə naməlum obyektin diametrinin 18 metrə yaxın olduğu müəyyənləşdirilib.

“Bizim işimizdə çoxlu gözlənilməz hallarla qarşılaşmaq mümkündür. Ancaq bu sahədə18 illik peşəkar fəaliyyətim dövründə buna bənzər bir obyektə rast gəlməmişəm”, - deyə qrupun rəhbəri Peter Lindberq bildirib. Tapıntının konkret nədən ibarət olacağı isə tədqiqatlardan sonra müəyyənləşdiriləcək.